Drejtues të kompanisë së pastrimit “Ekohigjiena” kanë përsëritur të enjten qëndrimin se nuk do të lejojnë përzierjen e Komunës në punët e brendshme të tyre.
Kryeshefi i kompanisë ka deklaruar se ata nuk e pranojnë vendimin e kryetarit të Komunës së Gjilanit, Lutfi Haziri, i cili e ka emëruar një drejtor të ri për “Ekohigjienën”, shkruan sot “Koha Ditore”.
Thotë se emërimi i drejtorit të ri nga Komuna mund të ndodhë vetëm nëse Komuna dhe investitori privat arrijnë marrëveshje për shkëputjen e kontratës së partneritetit publiko- privat. Në të kundërtën ata do t’i drejtohen Gjykatës së Arbitrazhit, ku edhe do të kërkojnë kompensim.
“Partneriteti u arrit dhe u miratua në vitin 2011 me shumicë të madhe nga Kuvendi Komunal i Komunës së Gjilanit. Natyrisht, nëse Kuvendi vendos për shkëputjen e partneritetit dhe autoritetet e PPP-ës në Prishtinë e miratojnë atë, ne do ta respektojmë një gjë të tillë. Kompensimi për marrjen e aksioneve private duhet të zgjidhet në mënyrë miqësore ose nëpërmjet një gjykate të arbitrazhit”, ka thënë Ramaj.
(Artikullin e plotë mund ta lexoni sot në “Koha Ditore”)
-
Apeli e kthen në rishqyrtim marrëveshjen e partneritetit publiko-privat në Gjilan
-
Opozita e kritikon Komunën në Gjilan se nuk po e shkëput kontratën me “Ecohigjienën”, kjo thotë se po e shqyrton
-
Partnerët austriakë në “Ekohigjienë” kërcënojnë Komunën e Gjilanit me padi në Gjykatën e Arbitrazhit
-
Ndërpritet partneriteti i Gjilanit me austriakët për kompaninë e pastrimit
-
Rama synon të themelojë kompani të re për mbeturinat në Prishtinë, LVV-ja nuk e përkrah