Gjykata e Apelit ka prishur aktvendimin e Gjykatës Themelore të Prishtinës, e cila i ndalon Komunës së Gjilanit ndërmarrjen e veprimeve që kanë për qëllim menaxhimin e kompanisë së pastrimit “Ekohigjiena”, e themeluar nga një marrëveshje e partneritetit publiko-privat me kompaninë “Ekovizion”.
Apeli ka kthyer lëndën në rishqyrtim, ngase ka gjetur se aktvendimi i Gjykatës Themelore në Prishtinë, Departamenti për Çështje Ekonomike, nuk ishte bazuar në fakte, duke e aprovuar si të bazuar ankesën e Komunës, shkruan sot Koha DItore.
Qeverisja komunale e Gjilanit kishte njoftuar publikun se kishte shkëputur njëanshëm kontratën e partneritetit që ishte lidhur me partnerin privat që në këtë rast përfaqësohet nga “Ekovizion”, me arsyetimin se këta të fundit nuk u janë përmbajtur zotimeve të cilat buronin nga marrëveshja që lidhet edhe me pjesën e investimeve.
Komuna e ka caktuar një ushtrues detyre, mirëpo aksionari privat e ka penguar vendosjen e zyrtarit në hapësirat e kompanisë.
(Artikullin e plotë mund ta lexoni sot në “Koha Ditore”)
-
Gjilan, kompania e pastrimit kundër ndërhyrjes së Komunës në punët e saj
-
Ndërpritet partneriteti i Gjilanit me austriakët për kompaninë e pastrimit
-
OSHP-ja gjen për herë të dytë shkelje në tenderin 2-milionësh të Komunës së Prishtinës
-
“Ekoregjioni” në Prizren vullnetarisht pastron rrugët e mirëmban gjelbërimin, OSHP-ja e kishte anuluar tenderin
-
Opozita e kritikon Komunën në Gjilan se nuk po e shkëput kontratën me “Ecohigjienën”, kjo thotë se po e shqyrton