Përditësim, 16:15 - Deri në 40 minuta janë pritjet për të dalë nga Kosova nëpërmjet pikëkalimit kufitar të Merdarit, ka njoftuar Qendra për Menaxhim Kufitar. Përditësimi i fundit është bërë pas orës 16:00.
Bazuar në të dhënat pritje deri 40 minuta janë edhe për të hyrë dhe për të dalë nga Kosova nëpërmjet Dheut të Bardhë. Ndërsa për të hyrë në Kosovë nëpërmjet Jarinjës pritjet janë deri 20 minuta.
Deri në një orë janë pritjet për të dalë nga Kosova nëpërmjet pikëkalimit kufitar të Merdarit.
Në përditësimin e fundit të Qendrës Kombëtare për Menaxhim Kufitar, është njoftuar se kolonat për të dalë nga Kosova nëpërmjet Merdarit janë 700 metra.
Ndërkohë për të hyrë në Kosovë nëpërmjet kësaj pike kufitare pritjet janë deri në 10 minuta.
Pritje të gjata ka edhe te Dheu i Bardhë. Deri në 40 minuta janë pritjet për të dalë nga Kosova nëpërmjet kësaj pike kufitare. Në pikat tjera kufitare pritjet janë 3 deri 5 minuta.
