Forca e Sigurisë së Kosovës ka planifikuar të realizojë stërvitje ushtarake njëjavore në fshatrat Mramor dhe Badoc të Prishtinës.
Në njoftimin për media të lëshuar nga Komuna e Prishtinës thuhet se këto stërvitje do të zgjasin ndërmjet datave 20-27 tetor.
Tutje është thënë se nuk ka vend për shqetësime lidhur me këtë aktivitet.
“Gjatë kësaj periudhe do të ketë lëvizje të këmbësorisë dhe automjeteve ushtarake në këto zona. Ky është një aktivitet i planifikuar në kuadër të stërvitjeve të rregullta të FSK-së, prandaj nuk ka vend për shqetësim”, thuhet në njoftim.