Në fshatin Drenoc të Komunës së Malishevës, ka filluar ndërtimi i tri kilometrave trotuar në lagjet e këtij fshati, që lidhë rrugët e asfaltuara me shkollën “Xhevë Lladrovci”.
Qëllimi i ndërtimit të këtij trotuari, është lëvizja më e lehtë dhe më e sigurt për banorët, e në veçanti për nxënësit e këtij fshati, përkatësisht të një pjese të fshatit, ku lëvizja e nxënësve përgjatë rrugës, është e pasigurt.
Punimet në ndërtimin e këtij trotuari, sot i ka parë nga afër, nënkryetari i Komunës së Malishevës, Hajdin Berisha, i cili ishte i shoqëruar edhe nga drejtori i Drejtorisë së Urbanizmit, Islam Vrenezi dhe drejtori i Drejtorisë së Shërbimeve Publike, Milazim Morina.
Nënkryetari Berisha, është ndarë i kënaqur me punimet që janë duke u bërë në ndërtimin e këtij trotuari dhe ka thënë se “qëllimi i ndërtimit të këtij trotuari është, krijimi i sigurisë në rrugë për të gjithë banorët, e në veçanti për nxënësit, si dhe është pjesë planifikimeve komunale, në kuadër të rregullimit të infrastrukturës së përgjithshme në Komunën e Malishevës”.
-
Filloi ndërtimi i 1.5 kilometër trotuar në Senik të Malishevës
-
Komuna e Rahovecit nis projektin për ndërtimin e trotuarit në fshatin Drenoc
-
Nis asfaltimi i rrugës në fshatin Bubavec të Malishevës
-
Lladrovci, fshati pa asnjë metër trotuar, banorët ankohen se po u rrezikohet jeta
-
Asfaltohen nëntë rrugë në fshatrat Mleçan dhe Drenoc të Malishevës