Ekspertët ndërkombëtarë do t’i bashkohen sektorit të shëndetësisë, thotë Ismaili

Ministri i Shëndetësisë Uran Ismaili, ka bërë të ditur se për të kthyer mbarë sektorin e shëndetësisë në Kosovë, do bashkohen edhe ekspertë ndërkombëtarë.

Këtë ai e ka bërë të ditur përmes një postimi në Facebook, ku ka treguar se ishte takuar me Ricardo Hausmann, ekonomist nga Harvardi.

“Kënaqësi e jashtëzakonshme takimi dhe kafeja sot në Tiranë me profesorin tim Ricardo Hausmann, i cili është edhe një ekonomist i shquar në Universitetin e Harvardit. Të vlefshme ishin këshillat e tij në betejën tonë për ta kthyer mbarë shëndetësinë kosovare, në të cilën do të na bashkohen edhe ekspertë ndërkombëtarë”, ka shkruar Ismaili.