Edi Rama të hënën në Kosovë

Kryeministri i Shqipërisë, Edi Rama, do të vizitojë Kosovën të hënën.

Siç ka mësuar KOHA, Rama dhe një pjesë e kabinetit qeveritar do të udhëtojnë të hënën drejt Prishtinës, për vizitë një-ditore, pas kthimit nga SHBA-ja ku mori pjesë në Asamblenë e Përgjithshme të OKB-së.

Agjenda e vizitës së Ramës në Kosovë nuk dihet ende.

Vizita e kryeministrit Rama vjen pas ftesës së kryeministrit të Kosovës, Albin Kurti, kur ky i fundit e uroi me rastin e zgjedhjes për herë të tretë kryeministër i Shqipërisë.