Te sheshi “Aziz Zhilivoda” në Obiliq, po grumbullohen pako ushqimore dhe jo vetëm, për t’i dërguar në Shqipëri, pas tërmetit të fuqishëm i cili shkaktoi viktime në njerëz dhe dëme materiale.
Me këtë rast Kryetari i Komunës së Obiliqit Xhafer Gashi, ka vizituar vendin ku po mblidhen këto pako, për ta përkrahur këtë aksion.
“Organizimi i qytetarëve dhe tifozëve të FC KEK-ut, të cilët edhe janë organizator të këtij aksioni, të lë pa fjalë! Ju lumtë!”, tha ai.
Komunikata për media thotë se “Gashi gjithashtu ka shprehur vullnetin e tij që nëse ndonjë familje ka mbetur pa shtëpi dhe i nevojitet strehim deri sa të normalizohet gjendja, do të ofrojë shtëpinë e tij për strehim”.
Ky aksion nga tifozët e FC KEK-ut do të vazhdojë deri në orët e mbrëmjes.
Artikuj të ngjashëm
-
Shiu dhe erërat e forta mbrëmë shkaktuan dëme të mëdha në Obiliq
-
Aksion humanitar në Tuz për të prekurit nga tërmeti në Shqipëri
-
Tifogrupet kosovare mobilizohen për t’i dalë në ndihmë Shqipërisë
-
Abdixhiku: Obiliqi meriton qeverisjen më të mirë – mbështetje për Xhafer Gashin
-
Kosova solidarizohet me të mbijetuarit e tërmetit