Edhe sonte, për natën e 17-të, u mbajt protesta “Jo në emrin tim” në sheshin e Prishtinës kundër dënimit të ish-krerëve të UÇK-së.
Një nga organizatorët e protestës, Çlirim Haziri, u bëri thirrje sërish Kuvendit dhe Qeverisë, që ta votojnë ndryshimet në Ligjin për Gjykatën Speciale.
‘’Edhe sonte në këtë shesh, deri sa Kosovës e UÇK-së t’i kthehet dinjiteti. Votojeni ligjin përse nuk kemi kohë të presim, Kosova nuk do të jetë e qetë pa e mbrojtur UÇK-në, lavdi dëshmorëve e UÇK-së”, ka thënë Haziri.
Protestuesit marshuan drejt Ministrisë së Drejtësisë, ku përsëritën kërkesat.