Disa qytetarë kanë pritur deputetët e zgjedhur para ndërtesës së Kuvendit dhe u kanë dhënë atyre brosha me figurat e ish-krerëve të UÇK-së të cilët po gjykohen në Gjykatën Speciale.
Aksioni është zhvilluar para nisjes së seancës konstituive.
Ndërkohë Vlora Çitaku, nënkryetare e Partisë Demokratike të Kosovës, ka bërë të ditur se në seancën e parë të punës së Kuvendit të Kosovës do të kërkojnë që të miratohet edhe një rezolutë për procesin në Gjykatë Speciale.
Në një konferencë për media ajo dhe Përparim Gruda kanë prezantuar rezolutën që kanë thënë se është hartuar nga ekspertë të pavarur. Kjo deklaratë u dha pak para seancës konstituive të Kuvendit dhe gjatë ditës kur në Hagë u dha fjala e mbrojtjes së Hashim Thaçit, që bashkë me Kadri Veselin, Rexhep Selimin e Jakup Krasniqin po akuzohet për krime lufte.
