Presidentja Justina Shiroka Pula ka vizituar familjet e Hashim Thaçit, Kadri Veselit, Rexhep Selimit dhe Jakup Krasniqit, ish-krerëve të Ushtrisë Çlirimtare të Kosovës, të cilët po përballen me procesin gjyqësor në Dhomat e Specializuara të Kosovës në Hagë.
Gjatë vizitave të martën, Shiroka-Pula shprehu solidaritetin me familjet, duke theksuar se kjo është një periudhë e vështirë për to dhe për Republikën e Kosovës. Ndërsa i informoi se në përputhje me afatet ligjore, do të veprojë lidhur me Ligjin për Dhomat e Specializuara.
Ajo ritheksoi se shteti do të vazhdojë t’i mbështesë ish-krerët “në përputhje me përgjegjësitë dhe mundësitë institucionale”.
“Familjet nuk janë vetëm në këtë rrugëtim dhe se Presidenca e Republikës së Kosovës do të mbetet e hapur për to, duke vepruar brenda kompetencave të saj kushtetuese dhe ligjore në mbështetje të përpjekjeve për drejtësi”, ka theksuar Shiroka-Pula.
-
Hoxhaj për Shiroka-Pulën: Personalitet shumë i pavarur
-
Shiroka-Pula shpreh gatishmërinë për bashkëpunim të ngushtë me Kurtin
-
Pas takimit me presidenten, Kurti: Duhet të bëhemi bashkë për shumë sfida shtetërore që i kemi
-
Çitaku: Kuvendi nderoi UÇK-në me ligjin për Specialen dhe zgjedhjen e presidentes
-
Hamza: Nata e mbrëmshme të jetë kthesë drejt rrugës së mbarë për shtetin