Demelezi: Atë që po e premtojnë partitë e tjera tash, ne po e bëjmë që 4 vjet

Kandidati për deputet i Lëvizjes Vetëvendosje, Imri Demelezi, i cili është zëvendësministër i Bujqësisë, ka thënë se premtimet që partitë e tjera po i japin gjatë fushatës zgjedhore tani, LVV-ja i ka bërë për katër vjetët e fundit sa ka qenë në pushtet.

Ai në emisionin “Zgjedhjet në KOHË” ka shtuar se ka qenë hera e parë me Qeverinë Kurti që Ministria e Bujqësisë ka përgatitur strategji të bujqësisë, e sipas tij kjo s’është bërë nga qeveritë e tjera në të kaluarën për shkakun se “u ka mundësuar çdo vit t’i ndryshojnë rregullat e kriteret që u janë ntek grupeve të tyre të interesit”.

“Më 2021 kemi filluar me buxhetin që e kanë përgatitur qeverisjet e kaluara, deri tash ne kemi ndarë 300 milionë euro për sektorin e bujqësisë dhe kanë përfituar mbi 120 mijë fermerë. Këtë që janë duke e premtuar këta, ne jemi duke e bërë që 4 vjet. Gradualisht çdo vit do ta rrisim buxhetin për bujqësi, nuk po japim shifër të saktë, por në ndërmarrjet e mëdha dhe të mesme 1 miliard euro do të investohen në sektorin e ekonomisë, që përfshin edhe bujqësinë”, ka thënë Demelezi.