Mbështete KOHËN. Ruaje të vërtetën
Arbëri

Dëshmitarja për Ibër-Lepencin: Nga shpërthimi na u shkund shtëpia, mendoja se ishte tërmet

Sulmi Iber -Lepenc

Foto: Driton Paçarada

Artikull i përditësuar - Dëshmitarja Millena Bashvareviq-Lazareviq ka përshkruar fuqinë e shpërthimit në kanalin e Ibër-Lepencit më 2024. Sipas saj, shpërthimi ka qenë aq i fortë sa që i është shkundur edhe shtëpia.

Ajo ka thënë se të akuzuarit i njeh vetëm si persona pasi jetojnë në të njëjtin vend.

“Nuk mund ta saktësoj kohën kur ka ndodhur, por më kujtohet se ka qenë detonim shumë i madh. Mendoj se ka qenë koha e errësuar, sepse kur kanë ardhë veturat ka qenë errësirë. Kur kam dal dhe kam pa qe një sasi e ujit vjen në drejtim të shtëpisë sime, veturat kanë dalë për shkak të sasisë së madhe të ujit. Shtëpia ime ndodhet përfundi rrugës magjistrale, ndërsa ngjarja ka ndodhur mbi rrugën magjistrale. Detonimi ka qenë i madh, është shkundur shtëpia. Themeli i shtëpisë ka lëvizur dhe qynga e shporetit ka dalë nga vendi dhe në atë moment kam menduar se mos është ndonjë tërmet. Fillimisht kam dalë në dritare me shiku çfarë po ndodhë, pasi e kam dëgjuar dhe e kam parë atë ujë, shumë sasi e madhe e ujit, sepse uji ka ardhë në afërsi të shtëpisë sime. E kam thirrë nënën në telefon, kam kërkuar ndihmë dhe të vijnë të shohin se cfarë po ndodh. Shumë jam frikësuar se kam qenë vetëm në shtëpi dhe nuk kam fqinjë afër shtëpisë sime”, ka thënë ajo.

Dëshmitarja ka thënë se kanë marrë ndihmë nga Komuna e Zubin-Potokut, pas telasheve të shkaktuara nga shpërthimi.


Dalin para gjykatës të akuzuarit për sulmin në Ibër-Lepenc

Kanë dalë para gjykatës të akuzuarit për sulmin në kanalin e Ibër-Lepencit, në Varagë të Zubin-Potokut.

Edhe Dëshmitarja Llazareviq: Nga shpërthimi na u shkund shtëpia, menduam se ishte termet LAJMET E MBRËMJES Dëshmitarja Llazareviq: Nga shpërthimi na u shkund shtëpia, menduam se ishte termet

Sipas dosjes së Prokurorisë Speciale, Jovan Viqentijeviq dyshohet se bashkë me vëllain e tij, Dragisha Viqentijeviq, me qëllim kanë dëmtuar pajisjen e ujësjellësit dhe kanë kryer veprën terroriste, duke përdorur eksploziv.

Foto: Driton Paçarada/KOHA
Foto: Driton Paçarada/KOHA

Për rastin ngarkohet edhe Igor Dimoviq, i cili nuk është në paraburgim si vëllezërit Viqentijeviq.

Foto: Driton Paçarada/KOHA

Shpërthimin në kanalin e ujit të “Ibër-Lepencit” në fshatin Varagë të Zubin-Potokut në nëntor të vitit 2024, i cili dyshohet se u bë me rreth 20 kilogramë eksplozivë, autoritetet e Kosovës e kanë cilësuar si sulm terrorist, kurse Serbinë e kanë bërë përgjegjëse për të.