Kryeministri i Kosovës, Ramush Haradinaj, ka pritur sot në takim kryetarin e Bashkimit të Sindikatave të Pavarura të Kosovës, Avni Ajdini dhe nënkryetarin Atdhe Hykolli.
Sipas njoftimit të kryeministrisë, “ata e përgëzuan kryeministrin Haradinaj për instalimin e një dinamike të re të punës si dhe për fokusim në logjikën e zbatimit të vendimeve”.
Në njoftim theksohet se “Haradinaj është zotuar se do të sigurohet një dialog i vazhdueshëm dhe një bashkëpunim afatgjatë i qeverisë me BSPK-në, si njëra prej shtyllave të rëndësishme të vendit për mbrojtjen e të drejtave të punëtorëve dhe për zgjidhjen e shqetësimeve të tyre, me qëllim të përmirësimit të pozitës së tyre në Kosovë”.
Përfaqësuesit e BSPK-së kërkuan nga Qeveria që të gjendet një objekt i përshtatshëm për punën e këtij institucioni si dhe rritjen e efikasitetit në mbikëqyrjen e zbatimit të Ligjit të Punës.
-
Haradinaj: Kërkesat e sindikalistëve do të adresohen në takimin e parë të Qeverisë
-
Qeveria: Kërkesat e punëtorëve trajtohen konform kapaciteteve buxhetore
-
Kurti diskuton kërkesat e punëtorëve me Hykollin
-
Kurti premton përkushtimin e Qeverisë në mbrojtjen e të drejtave të punëtorëve
-
Haradinaj takon shërbyesit civilë, dakordohen për dialog