Kryeministri i Kosovës, Albin Kurti, është takuar të premten me kryetarin e Bashkimit të Sindikatave të Pavarura të Kosovës (BSPK), Atdhe Hykollin, ku ka diskutuar një sërë çështjesh.
Sipas njoftimit të Kryeministrisë, të drejtat dhe kërkesat e punëtorëve, bashkëpunimi sindikal dhe paga minimale, e cila tashmë ka kaluar leximin e parë në Kuvend, ishin çështjet kryesore, të cilat u diskutuan gjatë takimit.
“Hykolli e njoftoi kryeministrin për angazhimin e BSPK-së në bashkëpunimet evropiane dhe ndërkombëtare sindikaliste”, thuhet në njoftim.
Kurti falënderoi Hykollin për angazhimin e tij dhe për bashkëpunimin e deritanishëm, duke u dakorduar që të mbajnë komunikim të rregullt në vazhdimësi.
Artikuj të ngjashëm
-
Kurti: Nga rritja e pagës minimale përfituan 150 mijë punëtorë të sektorit privat
-
Kurti shmang pyetjen për mundësinë e koalicionit me LDK-në
-
Kurti takon Plenkoviqin, theksohet nevoja për forcim të aleancave dhe koordinim politik
-
Kurti bën thirrje që paga e 13-të të ndahet edhe në sektorin privat: S’ka organizim sindikal
-
Hykolli: Të bëhet marrëveshja e përgjithshme kolektive, të diskutohet edhe vlera e koeficientit