Reshjet e dëborës kanë mbuluar një pjesë të konsiderueshme të Shqipërisë, duke nisur nga veriu, verilindja, juglindja e deri në jug të vendit.
Nga Bulqiza raportohet për reshje të dendura bore dhe ngrica nëpër rrugë. Në Qarkun e Elbasanit raportohet për probleme në qarkullim në zonat malore të Librazhdit e Prrënjasit, ku kalimi kryhet me zinxhirë, si në Rrajcë, Stëblevë dhe Sopot, ndërsa Qafë Thana është e kalueshme pa zinxhirë.
Ndërkohë, probleme nga moti i keq ka pasur edhe në Korçë.
Reshjet e borës dhe temperaturat e ulëta kanë prekur të gjithë qarkun, teksa në Dardhë trashësia e dëborës ka mbërritur në 40 cm, ndërsa në zonat e tjera nga 15-20 cm borë. Në disa akse ka prani akulli në rrugë.
Sipas asaj që bëhet e ditur, në akset Korçë-Dardhë, Korçë-Voskopojë dhe në Qafën e Qarrit lëvizet vetëm me zinxhirë.
Edhe
Shqipëria përfshihet nga bora, një zonë shpall gjendje të jashtëzakonshme
Edhe Gjirokastra është prekur nga reshjet e dëborës, që kanë zbritur deri në 300 m lartësi, duke mbuluar pjesën e sipërme të qytetit dhe zonën e Dropullit.
Ndërsa raportohet se akset nacionale janë të gjitha të kalueshme, vetëm në Qafën e Çajupit raportohet për lëvizshmëri me vështirësi. Zagoria dhe Pogoni janë të mbuluara nga bora gjithashtu, transmeton tch. Në pikëkalimin e Kakavijës, fluksi në dalje është më i ulët nga sa pritej, për shkak edhe të bllokimeve nga dëbora në disa zona të Greqisë.
Reshje të dendura dëbore janë shënuar gjatë natës edhe në Llogora, ku trashësia e saj ka mbërritur deri në 20 cm.
Qarkullimi i automjeteve është i vështirë, ndaj ato lejohen të kalojnë vetëm me zinxhirë.
Edhe
Borë pranvere në Shkodër, probleme në Kukës dhe Dibër
Borëpastrueset kanë qenë në punë gjatë të gjithë natës dhe deri në orët e para të mëngjesit të sotëm për të pastruar rrugën, e duke bërë të mundshëm qarkullimin normal. Por, ajo që është më shqetësuesja është ulja e temperaturave nën zero, gjë që pritet të krijojë ngrica në rrugë.
{gallery}
