Presidenti i Shqipërisë, Bajram Begaj, ka përshëndetur dorëzimin e aplikimit të Kosovës për t’u anëtarësuar në Bashkimin Evropian (BE).
Begaj këtë e konsideroi akt të rëndësishëm historik me ç’rast, u uroi autoriteteve të Kosovës suksese në përmbushjen e detyrimeve të procesit të anëtarësimit.
Begaj i bëri thirrje të gjitha vendeve anëtare që ta mbështesin aplikimin e Kosovës, pasi sipas tij, kjo do të ishte jo vetëm në interesin më të mirë gjeopolitik të Bashkimit Evropian, por dhe një kontribut më shumë në mbështetje të një vendi e një populli me vokacion të qartë evropian dhe euro-atlantik. “Urime Kosovë e shumë suksese!”, u shpreh Begaj.
Aplikimin e Kosovës për anëtarësim në BE, të enjten kryeministri i Kosovës, Albin Kurti, ia ka dorëzuar Presidencës Çeke të Këshillit të Bashkimit Evropian. /ksp