Kroacia mbështet rrugëtimin e Kosovës drejt BE-së, zotohet t'i ndajë përvojat

Kryeministri i Kroacisë, Andrej Plenkoviq, ka thënë se mirëpret kërkesën e Kosovës për anëtarësim në Bashkimin Evropian. Ai ka thënë se shteti i tij do të vazhdojë t’i ofrojë mbështetje Kosovës, derisa e ka uruar popullin për këtë nismë.

“Mirëpresim kërkesën e Kosovës për anëtarësim në BE dhe i urojmë shumë suksese në rrugëtimin e tyre evropian! Ne do të vazhdojmë të ofrojmë mbështetje dhe të ndajmë përvojat kroate. Urime Albin Kurti, Vjosa Osmani dhe urime për të gjithë qytetarët e Kosovës!”, ka shkruar Plenkoviq të enjten në Twitter.

Kryeministri Albin Kurti ka dorëzuar zyrtarisht të enjten aplikimin e Kosovës për anëtarësim në Bashkimin Evropian. Kurti e ka quajtur ditë historike për Kosovën të enjten kur në Pragë ka dorëzuar aplikimin për statusin e shtetit kandidat në BE.

“Kjo është ditë historike për popullin e Kosovës dhe ditë e jashtëzakonshme për demokracinë në Evropë. Letra që kam sjellë bartë shpresat dhe ëndrrat e qytetarëve tanë. Flet për aspiratat tona për t’iu bashkuar BE-së. I përgjigjet vizionit të Evropës që është e përgjithshme e plotë dhe në paqe dhe një Evropë që ka të ardhme të ndritur”, ka thënë Kurti.

t’iu bashkuar BE-së. I përgjigjet vizionit të Evropës që është e përgjithshme e plotë dhe në paqe dhe një Evropë që ka të ardhme të ndritur”, ka thënë Kurti.