Deputetja e LDK-së, Hykmete Bajrami ka thënë se puna e parë në Kuvend do të jetë jetësimi i nismën së Institutit të Kosovës për Drejtësi (IKD) që shkelja e Kushtetutës të kriminalizohet.
Në një status në Facebook pas ndërprerjes së seancës konstituive ajo ka shkruar se “është urgjencë kombëtare të shpëtohet ky shtet”.
“Puna e parë në Kuvend do të jetë jetësimi i nismës së IKD-së për kriminalizimin e shkeljes së Kushtetutës, në mënyrë që ata që e shkelin Kushtetutën, njësoj si armiqtë e këtij shteti, të përfundojnë në burg, të japin llogari dhe të mbajnë përgjegjësi për veprimet e tyre”, ka shkruar Bajrami.
Ajo e ka quajtur mashtrues kryetarin e LVV-së, Albin Kurti dhe ka thënë se ai po do ta rrënojë shtetin.
“Sepse ky vend nuk është ndërtuar që një mashtrues, i cili erdhi në pushtet me premtimin e bashkimit kombëtar, ta rrënojë shtetin për të cilin njerëzit kanë dhënë jetën, kanë dhënë gjymtyrët dhe mbajnë ende plagët në trup!”, ka shkruar Bajrami.
Mosmarrëveshjet për nënkryetarët ndërpresin sërish seancën konstituive
-
Bajrami akuzon Kurtin se po e shtyn vendin drejt zgjedhjeve
-
Bajrami: Shkarkimit i Isufajt, alarm për drejtësinë dhe shtetin
-
Bajrami e quan Abdixhikun humbës e përçarës: Je i fundit që mund të flasë për parime
-
Bajrami: Mbështetja nga qytetarët nuk më është dhënë për t’ia zgjatur pushtetin Kurtit
-
Hoti për Kurtin: Vetëm dikush kundër ekzistencës së shtetit, e katandis rendin kushtetues në këtë gjendje