Nëntë të arrestuar për krime lufte në Zubin-Potok, operacioni lidhet me “Grupin e Intelektualëve”

Policia ka arrestuar nëntë persona të dyshuar për krime lufte në komunën e Zubin-Potokut. 

Sipas njoftimit, arrestimet janë kryer në kuadër të operacionit të koduar si “Dosja 23”.

Bëhet e ditur se operacioni policor ndërlidhet me rastin e njohur si “Grupi i intelektualëve”.

“Në kuadër të veprimeve hetimore lidhur me rastin e krimeve të luftës, Policia e Kosovës, respektivisht Drejtoria për Hetimin e Krimeve të Luftës, mbështetur edhe nga njësitet tjera të specializuara policore, me urdhër të Prokurorisë Speciale të Republikës së Kosovës, sot në orët e hershme të mëngjesit në komunën e Zubin Potokut ka zhvilluar operacionin e koduar si ‘Dosja 23’.  Si rezultat i këtij operacioni janë arrestuar nëntë persona të dyshuar për kryerjen e veprës penale ‘Krime lufte kundër popullsisë civile’”, thuhet në njoftim.

Policia ka arrestuar nëntë persona të dyshuar për krime lufte në komunën e Zubin-Potokut. 

Mbetjet mortore të  23 personave dyshohet të jenë gjetur në gërmimet në Kalludër dhe Jabukë të cilat nisën më 27 korrik dhe përfunduan më 21 gusht. Për katër javë, në këto lokacione u gjetën mbetje mortore të 23 personave, që dyshohet se i përkasin “Grupit të Intelektualëve” që ishin rrëmbyer nga forcat e Serbisë.