Gjykata Themelore në Gjilan ka vendosur që masën e paraburgimit ndaj Arianit Sllamnikut i cili dyshohet për “ushtrimi të kundërligjshëm të veprimtarisë mjekësore ose farmaceutike”, ta zëvendësoj me arrest shtëpiak.
Lajmin e kanë bërë të ditur për KOHËN nga kjo Gjykatë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKërkesën për zëvendësim të masës e ka bërë Prokuroria Themelore e Gjilanit para disa ditësh.
“Në lidhje me pyetjen tuaj për të pandehurin Arianit Sllamniku, ju njoftojmë se datë 13.02.2026 Prokuroria Themelore të Gjilanit ka paraqitur kërkesë për zëvendësimin e masës nga masa e paraburgimit në masën e arrestit shtëpiak. Gjykata me datë 13.02.2026, ka nxjerrë aktvendim, duke zëvendësuar masën nga paraburgimit në masën e arrestit shtëpiak në kohëzgjatje prej 30 ditësh”, ka thënë Shkodra.
Më datën 21 janar, Gjykata me kërkesë të Prokurorisë pati caktuar masën e paraburgimit prej 30 ditësh ndaj Arianit Sllamnikut. Sipas Prokurorisë, Sllamniku me dashje dhe me qëllim të përfitimit të kundërligjshëm, kishte kryer trajtime dhe vizita mjekësore këshilluese, duke pretenduar se ofronte shërim për autizëm.
Ai dyshohet se ka përshkruar dhe rekomanduar terapi të ndryshme të paverifikuara dhe të pakonfirmuara shkencërisht, ndonëse nuk posedonte njohuri apo kualifikime për këtë fushë mjekësore.