Ambasadori i Britanisë në Kosovë, Jonathan Hargreaves, ka thënë se roli i Kosovës shkon përtej duke theksuar se ajo mund të jetë partner edhe në sigurinë e Evropës.
Nga selia e NATO-s në Bruksel, ambasadori ka theksuar se ka folur me aleatët për të ardhmen e Kosovës me NATO, teksa ka dhënë garancinë se Britania do të vazhdojë të punojë me, siç i ka quajtur ai, miqtë kosovarë që Kosova të kontribuojë edhe më tutje në sigurinë evropiane e që të bëhet pjesë e NATO-s.
“Roli i Kosovës shkon përtej sepse Kosova mund të luajë një rol si partner në sigurinë evropiane dhe unë kam parë vetë se personeli i sigurisë së Kosovës po punojnë drejt standardeve të NATO-s, ata kanë kryer disa trajnime të përbashkëta me Britaninë për t’i pajisur ata që të bëhen një partner vërtet i dobishëm, potencialisht në Ukrainë dhe në vendet tjera në Evropë”, ka thënë ai përmes një videoadresimi në Facebook.
Hargreaves ka theksuar se Kosova ka ende punë për të bërë për t’i përmbushur standardet e NATO-s.
“Kosova ka shumë punë për të bërë. Duhet të vazhdojë të punojë në të qenit shoqëri demokratike e fuqishme, në të qenit shtet multi-etnik dhe të sigurohet se përmban standardet që NATO i kërkon nga të gjithë aleatët e tij”.
-
Britania – deputetëve: Punoni bashkë urgjentisht për të mirën e partneriteteve ndërkombëtare
-
Hargreaves: Çështjet me të cilat përballet Kosova dhe kontinenti s’presin, partitë të bashkohen
-
NATO-ja planifikon zvogëlim të pranisë në Kosovë, pas konstatimit për përmirësim të situatës së sigurisë
-
Ambasadori britanik: Pjesëmarrja e ulët mund të lidhet me lodhjen e qytetarëve nga zgjedhjet
-
Ambasadori britanik uron që këto zgjedhje të jenë të fundit për këtë vit