Ambasadori austriak: S’kemi ndryshuar qëndrim për Kosovën

Gernot Pfandler, ambasadori i Austrisë në Kosovë, ka thënë se vendi i tij nuk ka ndryshuar qëndrim për shtetësinë e Kosovës.

Sipasj tij, Austria është një prej shteteve më përkrahëse të Kosovës dhe perspektivës evropiane.

“S’ka ndryshim të pozicionit të Austrisë për Kosovën. Austria e ka njohur Kosovën në mesin e shteteve të para dhe është që nga ajo kohë një nga përkrahëset më të mëdha të Republikës së Kosovës dhe perspektivës së vet evropiane”, ka shkruar ai në Twitter.

Reagimi i Pfandlerit erdhi pasi zëvendëskancelari austriak kishte thënë se “Kosova është pjesë e Serbisë”. Megjithatë, stafi tij ka mohuar një deklaratë të tillë duke deklaruar se Austria nuk ka ndryshuar qëndrim për pavarësinë e Kosovës.