Sami Ukelli, Ambasador i Republikës së Kosovës në Austri, ka thënë se Austria asnjëherë nuk e ka vënë në mëdyshje shtetësinë e Kosovës.
Ukelli, në një bisedë në KTV, ka thënë se shteti austriak është mik i Kosovës dhe sikurse edhe në të kaluarën, vazhdon të jetë mbështetës i Kosovës në rrugën drejt integrimeve evropiane.
“Austria është vend mik yni i veçantë dhe partner në rrugëtimin tonë drejt integrimit evropian”, tha Ukelli në KTV, raporton Koha.net.
Sipas tij, edhe ardhja e një delegacioni të lartë austriak në Kosovë, i kryesuar nga Erhard Busek, ish zëvendës kancelar i Austrisë, Lukas Mandl, deputet i Parlamentit Evropian dhe deputetja Carmen Jeitler-Cincelli, është një tregues se deklarata e Heinz-Christian Strache, zëvendës-kancelar i Austrisë, se ‘Kosova është pjesë e Serbisë’ nuk qëndron për sa i përket qëndrimit zyrtar të Austrisë.
-
Ambasadori austriak: S’kemi ndryshuar qëndrim për Kosovën
-
Qëndrimi i kancelarit të ri austriak për Kosovën
-
Kosova, prioritet i politikës së jashtme austriake
-
Kryediplomati austriak: Kosova është realitet, sado disa vende të BE-së nuk e kanë njohur
-
Austria do të vazhdojë përkrahjen ndaj Kosovës, veçanërisht për institucionet e sigurisë