“Aktualiteti politik”, temë takimi mes kryeministrit në detyrë dhe shefit të zyrës së BE-së

Kryeministri në detyrë Albin Kurti, priti në takim shefin e Zyrës së Bashkimit Evropian në Kosovë, ambasadorin Aivo Orav.

Sipas njoftimit të lëshuar nga Zyra e Kryeministrit, në takim është diskutuar për bashkëpunimin ndërmjet Kosovës dhe BE-së në kuadër të procesit integrues evropian, por edhe për tema që kanë të bëjnë me aktualitetin në vend.

“Diskutuan për bashkëpunimin ndërmjet Kosovës dhe Bashkimit Evropian në kuadër të procesit integrues evropian. Kryeministri nënvizoi përkushtimin e Qeverisë për avancimin e reformave të nisura gjatë këtij mandati, duke veçuar rëndësinë e vazhdueshme që i ka kushtuar të drejtave dhe integrimit të plotë të të gjitha komuniteteve pa dallim. Gjatë takimit, gjithashtu u trajtuan tema që kanë të bëjnë me aktualitetin në vend”, thuhet në njoftim.