Kryetari i Lidhjes Demokratike të Kosovës, Lumir Abdixhiku, e ka akuzuar për mashtrim dhe humbje të një mundësie historike kryeministrin e Kosovës, Albin Kurti, pas marrëveshjes së arritur në Ohër me presidentin e Serbisë, Aleksandar Vuçiq, me lehtësimin e Bashkimit Evropian.
Abdixhiku ka thënë se kauza politike e rreme e Kurtit, që sipas tij, i ka kushtuar Kosovës tmerrësisht shumë, ka përfunduar sonte
“Mashtrim dhe humbje e një mundësie historike - ky është epilogu i Kurtit si kryeministër në dialog. Një kauzë politike e rremë - që Kosovës i kushtoi tmerrësisht shumë - përfundoi sonte. Kushtet e vëna, fjalimet e thëna, qëndrimet e dhëna, thjesht u zhbënë”, ka shkruar kreu i LDK-së në Facebook.
Abdixhiku ka thënë se Kurti i solli Kosovës sot një marrëveshje me Asociacion, pa njohje e jo finale.
“Përveç saj, një marrëveshje pa njohje, jo finale dhe me Asociacion plus në të është çfarë Kurti i solli Kosovës sot. Kjo gjendje e re, e shndërruar si detyrim integrues për vendin tonë, është e pariparueshme më”, ka shkruar Abdixhiku.
Kosova e Serbia u pajtuan për aneksin e zbatimit të marrëveshjes Kosovës-Serbi, që është publikuar pak më parë.
-
Abdixhiku për Kurtin: Arkitekt i mashtrimit, Asociacioni ia zhbën kauzën jetësore
-
Debati për dialogun, nën hijen e përplasjes së Kurtit me krerët opozitarë
-
Opozita e kritikon Kurtin për mashtrim e për humbje historike, paralajmërohen edhe protesta
-
Opozita akuzon Kurtin për “gabim historik”
-
Abdixhiku negocion me Kurtin, deputetë të LDK-së e akuzojnë