Policia sekuestron një sirenë me gjashtë zmadhues zëri në veri

Policia ka sekuestruar një sirenë me gjashtë zmadhues të zërit në Mitrovicë të Veriut.

Sipas zëvendësdrejtorit të Policisë në Mitrovicë të Veriut, Veton Elshani, të njëjtat janë përdorur për periudha të ndryshme kohore për prishje të rendit dhe qetësisë.

“Konfirmojmë konfiskimin e një sirene të alarmit dhe gjashtë zmadhues të zërit në Mitrovicë të veriut. Kjo sirenë dhe këta zmadhues zëri kanë shërbyer në periudha të ndryshme kohore për të prishje të rendit dhe qetësisë publike”, ka thënë ai për KOHËN.

Ato zakonisht lëshoheshin kur nga serbët lokalë kërkohej të organizoheshin për ndonjë ngjarje. Sa herë që lëshoheshin alarmet në veri të Kosovës, grupe të organizuara serbësh dilnin në rrugë.

{gallery}