Rinia e PDK-së me aksion para MINT-it: Rinia largohet, Rozeta pasurohet

Aktivistë të Partisë Demokratike të Kosovës kanë organizuar aksion simbolik te Ministria e Industrisë, Ndërmarrësisë dhe Tregtisë.

Të rinjtë i janë drejtuar ministrisë me pankarta në duar.

“Rinia largohet, Rozeta pasurohet”, “Ju me zemër, na pa bukë”, “Kjo Qeveri nuke ka prioritet rininë”, e të tjera slogane ata kanë qëndruar para MINT-it.

Pas aktivitetit, aktivistët i kanë lënë pankartat para ndërtesës së ministrisë.

Disa incizime të publikuara nga gazeta “Nacionale” ditë më parë ku përfshihet MINT-i kanë nxitur reagime në opinion. Sipas këtij mediumi, zyrtarë të Ministrisë së Industrisë, Ndërmarrësisë dhe Tregtisë bisedojnë lidhur me nënshkrimin e një kontrate për rezervat shtetërore. Opozita akuzon ministren Hajdari se ka kontraktuar dhe paguar mall që nuk ka ardhur në Kosovë.

{gallery}