Misioni i NATO-s në Kosovë, ka njoftuar se është duke shqyrtuar kërkesën e Serbisë për kthim të ushtrisë në Kosovë.
“Ne kemi marrë një letër nga Serbia dhe tani po e shqyrtojmë atë”, thuhet në përgjigjen e KFOR-it për KOHËN.
“KFOR-i mbetet tejet vigjilent dhe plotësisht i aftë për të përmbushur mandatin tij që derivon nga Kombet e Bashkuara”, thuhet tutje në përgjigje.
Qeveria e Serbisë ka miratuar të enjten vendimin që t’i kërkojë misionit të NATO-s në Kosovë, KFOR, ta lejojë dërgimin e një numri të forcave të sigurisë në Kosovë. Këtë e ka konfirmuar presidenti i Serbisë, Aleksandar Vuçiq.
© KOHA. Të gjitha të drejtat janë të rezervuara.
