Ambasadori i Kosovës në Bruksel, Agron Bajrami, e ka vlerësuar të papranueshme dhe shqetësuese që Komisioni Evropian, ka qortuar Malin e Zi dhe Maqedoninë e Veriut që nuk kanë vendosur regjim të vizave me Kosovën.
KE-ja u ka rekomanduar dy vendeve që të rregullojnë politikat e vizave në vijë me ato të Bashkimit Evropian.
“Absolutisht e papranueshme që Komisioni Evropian ka listuar Kosovën si një nga shtetet e botës së tretë të cilave u duhen viza, duke i kërkuar Malit të Zi dhe Maqedonisë së Veriut të fusin regjim të vizave për Kosovën! Veçanërisht është shqetësuese pasi me vjet Kosovës padrejtësisht i është mohuar liberalizimi i vizave. Dyfish, pasi e gjithë kjo vjen pas marrëveshjeve të Procesit të Berlinit”, shkroi Bajrami në Twitter.
Absolutely unacceptable for @EU_Commission to list Kosovo as one of visa-required third countries asking ?? & ?? to introduce visas for ??!
— Agron Bajrami (@AgronBajrami) December 5, 2022
Especially disturbing as for years Kosovo was unjustly denied #VisaLib! Double so as all this comes after Berlin Process agreements! pic.twitter.com/dJo9rDpoDc
