Ambasadori i Kosovës në Bruksel, Agron Bajrami, ka thënë të mërkurën se në Paris, ku po mbahet mbledhja e Komitetit për Politikë dhe Demokraci e Asamblesë Parlamentare të Këshillit të Evropës, do të testohet marrëveshja mes Kosovës dhe Serbisë, e ndërmjetësuar nga Bashkimi Evropian.
Duke iu referuar pikave të marrëveshjes ku palët nuk duhet të ndërhyjnë te njëra-tjetra në sferën ndërkombëtare dhe se Serbia nuk duhet ta kundërshtojë anëtarësimin e Kosovës në organizatat ndërkombëtare, Bajrami ka thënë se deri në mbrëmje do të dihet nëse janë të vlefshme Marrëveshja e Brukselit dhe Aneksi i Ohrit.
“Sot, në Paris, do të vihet në provë neni 4 i ‘Marrëveshjes për rrugën drejt normalizimit ndërmjet Kosovës dhe Serbisë’ të sponsorizuar nga BE. Deri në mbrëmje, ne do të dimë nëse ka një marrëveshje apo jo”, ka shkruar ai në platformën X.
Today, in Paris, Article 4 of the EU sponsored “Agreement on the path to normalisation between #Kosovo and #Serbia” shall be put to the test. By evening, we shall know if there is an Agreement or not.
As Cervantes would have said: “The proof of the pudding is in the eating.” pic.twitter.com/Kw65hUUAER— Agron Bajrami (@AgronBajrami) March 27, 2024
Gjatë mbledhjes së mbajtur në Paris, është miratuar raporti për kërkesën e Kosovëës për anëtarësim në KiE.
