Lista Serbe fton tubim në veri: “Serbia është shteti ynë”

Përfaqësues të Listës Serbe kanë ftuar serbët në Kosovë që të dielën të tubohen në Mitrovicën e Veriut në mesditë, në një protestë që ata e kanë cilësuar paqësore e demokratike.

“Vëllezër e motra, të mblidhemi të gjithë në një tubim të madh në Mitrovicën e Veriut, në orën 12:00, para monumentit të ‘Car Lazarit’ për t’ia përcjellë Evropës dhe botës, njëzëshëm, se shteti ynë i vetëm është Serbia dhe president Aleksandar Vuçiq”, thuhet në thirrjen e Listës Serbe.