Deputeti i Lëvizjes Vetëvendosje, Arbër Rexhaj, ka hedhur akuza të rënda drejt opozitës në Kosovë, duke i cilësuar si “grupe parapolitike”. Sipas Rexhajt, opozita po dëshiron që me krijimin e Komisionit hetimor parlamentar për krizën energjetike të përdorë të pavërteta.
Si arsye pse Grupi Parlamentar i VV-së nuk e votoi themelimin e këtij Komisioni në seancën e së martës, Rexhaj përmend dy arsye. Thotë se e shkel nenin 10 të Ligjit për komisione hetuese, por edhe se opozita do ta përdorë si arenë për të pavërteta.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne nuk jemi kundër, përkundrazi jemi pro. VV-ja është shembull i opozitarizmit vitet e kaluara për krijimin e këtyre komisioneve. Megjithatë, mendojmë që ka problem koceptual. Opozita është nënshkruese për themelimin e këtij Komisioni. Me Ligjin për komisione hetuese, sipas nenit 10, nuk duhet të nënshkruajnë të gjitha grupet parlamentare, ndërsa këta kanë nënshkruar gati të gjithë. VV-ja do ta votonte po nëse nuk do ta kishte shkruar njëri grup parlamentar. Nuk na frikëson ky Komision, as metodat e errëta që i kanë përdorur [opozita] kur kanë qenë bashkë. Jemi për t’i zbuluar të bëmat e atyre që fshihen pas emërtimit opozitë. Në Kosova nuk ka opozitë përmbajtjesore, ka grupe parapolitike të cilat më së paku i shërbejnë qytetarëve të Kosovë. Ne jemi për ta krijuar atë Komision, por nuk jemi për ta shkelë ligjin dhe Kushtetutën. Nuk e duam një Komision, ku për opozitë do të jetë arenë për të përdorur të pavërteta”, ka thënë Rexhaj në “Interaktiv” të KTV-së.
Opozita sot deklaroi se do të bojkotojë çdo votim në Kuvend deri në themelimin e Komisionit hetimor parlamentar për krizën energjetike. Sipas Rexhajt, ky vendim i opozitës i ka humbur Kosovën 100 milionë euro.
“Mosvotimi i marrëveshjes ndërkombëtare sot, i ka humbur Kosovës 100 milionë euro. Ne sa kemi qenë në opozitë pothuajse të gjitha marrëveshjet ndërkombëtare i kemi votuar. Mos e bojkotoni Kosovën. Por po e përsëris, nuk ka opozitë përmbajtjesore, ka grupe parapolitike”, ka deklaruar Rexhaj.