Arbëri

Pas numërimit të votave të rregullta dhe atyre me kusht, VV-ja ka 56 ulëse në Kuvend

Pas numërimit të votave të rregullta dhe atyre me kusht, VV-ja ka 56 ulëse në Kuvend
 

Numërimi i votave me kusht dhe atyre të personave me nevoja të veçanta vetëm ka përforcuar pozicionin e Lëvizjes Vetëvendosje në zgjedhjet e 14 shkurtit. Kjo parti, deri tash ka të siguruara 56 ulëse në Kuvend, teksa ka nisur numërimi i mbi 56 mijë votave të ardhura me postë.

VV-ja në zgjedhjet e muajit të shkuar pati marrë 47.85 për qind të votave, nga numërimi i mbi 791 mijë votave të rregullta. Pas numërimit të edhe mbi 29 mijë votave me kusht dhe të personave me nevoja të veçanta, VV-ja është ngritur në 47.94 për qind. Nga këto 29 mijë e 490 votat me kusht, VV-ja mori 14 mijë e 939 apo 50.6 për qind.