Fushata parazgjedhore zyrtarisht do të nisë më 3 shkurt dhe do të mbyllet më 12 shkurt, por disa parti e liderë janë hedhur furishëm në aksion për të bindur qytetarët se ata janë alternativa më e mirë për zgjedhjet e parakohshme të 14 shkurtit.
Vetëm dje, kryeministri në detyrë Avdullah Hoti pati dy takime me strukturat e LDK-së në Shtime e Ferizaj, e ushtruesi i detyrës së kryetarit të PDK-së, Enver Hoxhaj, pati tri takime: në Ferizaj, Kaçanik dhe Han të Elezit.
Njëjtë kanë vepruar edhe disa liderë të partive tjera.
Po çfarë kanë premtuar deri më tash?
LDK-ja si partnere kryesore në koalicionin e rrëzuar tashmë nga Gjykata Kushtetuese, ka nxjerr kandidat për kryeministër Hotin. Ai në të gjitha takimet e deritashme ka shprehur bindjen se LDK-ja do të fitojë zgjedhjet.
Edhe
Qytetarëve u kërkohet që t’i marrin me rezervë premtimet e partive
E dje në Shtime tha se “LDK-ja është e mira e vendit dhe garantuese e zhvillimit të tij”.
LDK-ja insiston se ka punuar mirë dhe se premtim i saj dhe i Hotit është vazhdimi i kësaj mirëqeverisje.
“Është qeveria e vetme pa asnjë skandal”, tha Hoti në një intervistë për transmetuesin publik ditë më parë.
Hoti nuk foli për vjedhjen e 2.1 milionë eurove të Thesarit dhe disa skandale tjera që ndodhen gjatë kësaj periudhe.
Hoti, si shef ekzekutivi, ka premtuar gati 2 milionë vaksina anti-COVID, por që nuk ka treguar se kur do të vijnë, para apo pas zgjedhjeve.
Edhe
Opozita dhe Qeveria me veprime që shihen si parafushatë për zgjedhje të parakohshme
Ka thënë se kontingjenti i parë do të vijë në shkurt.
Në fokus të fushatës së PDK-së është kthyer dialogu. Hoxhaj në një konferencë për media, ka thënë se në çdo takim me Serbinë, do të diskutohet edhe për shqiptarët dhe statusin e tyre në Luginë të Preshevës.
Nga ekspertët, kjo është vlerësuar si riciklim i premtimeve të bëra vite më parë.
Hoxhaj premtoi edhe rritje të pagave për policët.
Edhe
Partitë kanë bërë fushatë, por sot e nisin zyrtarisht
Ndërkohë, kreu i AAK-së, Ramush Haradinaj, ka premtuar mobilizim të një miliard eurove gjatë vitit 2021, në kuadër të asaj që e ka quajtur “Fondi i Mbijetesës Ekonomike”.
VV-ja që llogaritet si favoritja kryesore për të fituar zgjedhjet, ende nuk ka nisur zyrtarisht takimet me struktura e qytetarë, apo të paktën nuk po i bën të ditura këto aktivitete sikurse partitë tjera përmes Facebookut.
