Arbëri

Pas emërimeve politike në borde, shoqëria civile thotë se Kurti veproi sikurse paraardhësit e tij

Shumë reagime kanë nxitur emërimet e reja të Qeverisë në detyrë në tri borde të ndërmarrjeve publike.

Në borde, që do të jenë të përkohshme, u emëruan njerëz të lidhur me partinë në pushtet, Lëvizjen Vetëvendosje.

Sipas Institutit të Kosovës për Drejtësi, kryeministri në detyrë, Albin Kurti, nuk ka vepruar ndryshe nga qeveritë e kaluara, raporton KOHA.

Spahija thotë që ka pasur mungesë transparence në këtë proces, për shkak se nuk është sqaruar as mënyra e emërimit të tyre.

Ndërkaq partia më e madhe opozitare, PDK, emërimin e bordeve të përkohshme e ka cilësuar si kapje të shtetit.

11 OJQ në Kosovë kanë dalë kundër vendimit të Kurtit për emërimin e bordeve të përkohshme, ku, sipas tyre, nuk është respektuar as diversiteti gjinor, minoritar dhe etnik.

Organizatat përkrahëse:

Balkan Green Foundation (BGF)

ÇOHU

Demokraci Plus (D+)

Grupi për Studime Juridike dhe Politike (GLPS)

Instituti D4D

Instituti Demokratik i Kosovës (KDI)

Instituti GAP

Instituti i Kosovës për Drejtësi (IKD)

Instituti për Politika Zhvillimore (INDEP)

Instituti Kosovar për Kërkime dhe Zhvillime të Politikave (KIPRED)

Lëvizja FOL

Ndërkaq, sipas Qeverisë së Kosovës, përzgjedhja e tyre është bërë nga Ministria e Ekonomisë dhe në bazë të përvojës profesionale, pa dhënë më shumë sqarime.

Jetëgjatësia e këtyre tri bordeve pritet të jetë gjashtëmuajshe, kur, sipas Qeverisë në detyrë, do të hapen edhe konkurset për bordet e reja.