Njohësit thonë se Qeveria Kurti do të ketë vështirësi në zbatimin e programit qeverisës

Edhe dy ditë pas votimit të Qeverisë Kurti, ende nuk është publikuar programi qeverisës.

Gjithë çfarë dihet deri tani është ekspozeja që e ka prezantuar Albin Kurti para deputetëve të Kuvendit të Kosovës, raporton KTV.

E kjo ka zgjuar edhe reagime të shumta për sa i përket realizueshmërisë.

Arton Demhasaj nga “Çohu”, thotë se sfida më e madhe do të jetë zgjedhja e presidentit të ri.

Në draft-programin e Kurtit thuhet se të dyja partitë për këtë do të dakordohen përmes një akti të veçantë.

Problem tjetër për Kurtin pritet të jetë edhe çështja e taksës.

Edhe Arbëri 20 shk 2026 Kurti: Kritikat për buxhetin do të trajtohen me rastin e rishikimit

Në po të njëjtin program thuhet se ajo do të zëvendësohet me masa të reciprocitetit. Programi i Qeverisë së re shihet vështirë i realizueshëm edhe për shkak të pjesës buxhetore.

Si kryeministër, Kurti synon që buxhetin e shtetit ta rrisë në 3 miliardë euro. Sipas njohësve të ekonomisë, një gjë e tillë do kohë.

Qeveria në draft-programin e saj rëndësi u kushton edhe rendit, ligjit e sigurisë. Këtu parashihen edhe reforma arsimore, për shkak të gjendjes së rëndë në këtë sektor.