Protestuesit janë mbledhur para ndërtesës së Qeverisë, pasi kishin shkuar në këmbë fillimisht e kishin protestuar para zyrave të EULEX-it në Fushë-Kosovë. Ata kanë gjuajtur me gurë ndërtesën qeveritare dhe kanë thyer disa xhama. Ata hoqën edhe disa rrethoja. Erdhi edhe deri te një konfrontim, ku pasi protestuesit nisën t'i shtyjnë policët, intervenoi për t'i ndalur Nasim Haradinaj, ish-nënkryetari i Organizatës së Veteranëve të Luftës së Ushtrisë Çlirimtare të Kosovës. Haradinaj u tha protestuesve se nuk kanë asgjë me policët.
Madje pati edhe një përplasje mes protestuesve, ku u largua njëri që hodhi gur në drejtim të policëve.
Protestuesit ishin nisur fillimisht për te zyrat e EULEX-it nga sheshet në qendër të Prishtinës, menjëherë pasi Gjykata Speciale shpalli aktgjykim dënues ndaj katër ish-krerëve të UÇK-së.
Ndërkohë partitë politike në vend kanë bërë thirrje për qetësi e maturi.
Foto nga Driton Paçarada:
Thaçi e Krasniqi dënohen me nga 25 vjet burgim, Veseli 18 e Selimi 13
Gjykata Speciale ka dënuar me nga 25 vjet burgim Hashim Thaçin e Jakup Krasniqin, me 18...-
Protestuesit ende para Qeverisë
-
Protestuesit hedhin gurë drejt Kryeministrisë e Kryesisë së Kuvendit, sulmohet edhe një bankë
-
Protestuesit gjuajnë mjete piroteknike në drejtim të Qeverisë, lëndohet një protestues
-
Haradinaj: Këto protesta kaq të qeta po më frikësojnë, revolta po mblidhet
-
Policia: Protestuesit mbrëmë rrezikuan pjesëmarrësit në trafik dhe veten