Organizata e Veteranëve të Luftës i ka bërë thirrje institucioneve të Kosovës të ndërmarrin hapa konkretë në mbledhjen dhe faktimin e masakrave serbe gjatë kohës së luftës.
Ajo në një letër publike kërkon krijimin e mekanizmave përmes institucioneve ndërkombëtare apo përmes shteteve mike për padi për gjenocid të Serbisë ndaj popullit shqiptar të Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Të kërkohet nga OKB, në veçanti nga SHBA dhe shtetet e BE-së ta krijojnë një tribunal për krimet serbe në Kosovë. E ashtuquajtura gjykata speciale duhet të përfshijë edhe krimet serbe, duke u amandamentuar ligji ose të vihet kusht nga institucionet e Kosovës që të mos funksionoj njëanshëm. Të angazhohen ekspert për mbledhjen dhe faktimin e krimeve serbe në Kosovë. Të gjithë të mbijetuarit të ofrojnë fakte dhe dëshmi për krimet serbe dhe t’i deponojnë në Prokuroritë e Kosovës derisa të themelohet Tribunali për krimet serbe. Prokuroritë e Kosovës të dëshmojnë dhe deponojnë publikisht dosjet e krimeve serbe në Kosovë dhe Qeveria e Kosovës të ndajë buxhet shtesë për këtë qëllim”, thuhet në letër, shkruan ksp.
Organizata e Veteranëve të Luftës paralajmëron se nuk mund të ketë pajtim pa njohjen e Kosovës nga Serbia, pa ndëshkimin e Serbisë për gjenocid nga Gjykata ndërkombëtare e drejtësisë, pa pranimin nga shteti serb për krimet serbe në Kosovë, pa kërkim-falje nga shteti serb, pa ndëshkim të kriminelëve serbë që kryen masakra dhe pa kompensimin e dëmeve të luftës nga Serbia.
“Këto kërkesa tona janë plotësisht të drejta dhe sipas kritereve të botës demokratike. Çdo qasje tjetër shton dhimbjet e secilit qytetar të Kosovës dhe dëmton rëndë të drejtën për drejtësi dhe ndërtimin e paqes në të ardhmen. Presim që institucionet e Kosovës dhe partnerët ndërkombëtarë të marrin veprime konkrete në këtë drejtim për çka shoqatat janë të gatshme të japin kontributin e tyre”, përfundon letra e OVL e UÇK-së.