Shefi i Grupit Parlamentar të LDK-së, Avdullah Hoti, ka reaguar ndaj deklarimeve të presidentit serb Aleksandar Vuçiq lidhur me masakrën e Reçakut, duke thënë se Kosova nuk guxon të hyjë në aventura për marrëveshjen gjithëpërfshirëse me Serbinë derisa kjo e fundit të mos e njohë pavarësinë e Kosovës.
Vuçiq: Todosijeviq e tha të vërtetën, masakra e Reçakut ishte fabrikim i Walkerit
“Si mund të negociohet me dikë që e quan fabrikim masakrën e Reçakut?! Kështu ka deklaruar sot presidenti serb. Kjo është sikur të mohohet holokausti. Duhet të jemi unik dhe të kërkojmë reagim të fuqishëm nga e gjithë bota demokratike kundër këtyre deklarimeve të Beogradit”, ka shkruar Hoti. “Është e qartë se do të na duhen vite dhe ndërrim të disa qeverive në Beograd para se atje politikanët t'i thërrasin ndërgjegjes për krimet e bëra në Kosovë nga shteti serb”.
Sipas tij vetëm atëherë Serbia mund të bëjë hapin e madh për njohjen e shtetit të Kosovës dhe normalizim të marrëdhënieve.
“Deri atëherë ne nuk duhet të hyjmë në asnjë aventurë për të arritur ndonjë marrëveshje gjysmake”, shkruan Hoti në Facebook.
-
Hoti tregon se si Kosova mund ta anulojë marrëveshjen për Asociacionin
-
Hoti i reagon Vuçiqit për deklaratën për ushtrinë: Nuk i shërben paqes
-
Hoti i kundërpërgjigjet Vuçiqit: S’ka marrëveshje pa njohje reciproke
-
Qeveria s’i komenton deklaratat e Lajçakut për dialogun, analistët e kritikojnë
-
BE-ja e NATO nuk i përgjigjen ftesës së liderëve kosovarë për të dënuar deklaratën e Vuçiqit