Në Spitalin e Pejës janë duke u trajtuar 124 pacientë me COVID-19.
Sipas njoftimit të bërë nga ky institucion shëndetësor të mërkurën, dy pacientë janë në respiratorë, kurse 99 të tjerë në oksigjeno-terapi.
“Nga këta, 19 pacientë janë në gjendje më të rëndë. Nga Personeli i Spitalit të Përgjithshëm në Pejë aktualisht janë 30 të prekur me Covid-19 dhe kjo 10 mjekë, 13 infermierë dhe 7 punëtorë të Shërbimit administrativ dhe teknik”, thuhet në njoftim.
