Kryetari i Odës Ekonomike të Kosovës (OEK), Lulzim Rafuna do të jetë i ftuar sot në “60 Minuta” për të diskutuar lidhur me kundërshtimin që kjo Odë tash e disa muaj po i bën Zyrës së Rregullatorit të Energjisë (ZRRE) për vendosjen e 1300 bizneseve në treg të hapur të energjisë.
Me Rafunën do të flasim për kallëzimin penal që OEK ka dërguar kundër ZRRE dhe gjendjen e atyre bizneseve që tash e 6 muaj janë vendosur në tregun e hapur të energjisë elektrike.
Investimet e huaja, informaliteti i lartë dhe inflacioni do të jetë gjithashtu tema të kësaj interviste sot nga ora 17:10 në KTV.