Deputetja Fitore Pacolli nga Vetëvendosje e ka hapur fjalimin e saj në tubimin zgjedhor në Dardanë, duke thënë se pushtetet nëpër komuna e kanë pamundësuar që qytetet të jenë organizime ku qytetarët dhe banorët organizojnë jetën e tyre ekonomike, shoqërore dhe politike.
“Nga qytetarët është kërkuar që të organizohen vetëm në kohë të zgjedhjeve. Atyre iu është mundësuar që qenit aktiv vetëm në momentin kur përzgjedhin udhëheqësin e tyre pastaj mund t’i kthehen detyrave dhe punëve të tyre të përditshme. Kështu qytetet përfunduan në duart e një numri të vogël të udhëheqësve që fatkeqesisht i kthyen qytetet në organizime private për të përmbushur interesat e tyre personale dhe familjare. Por në 2013 me fitoren e Lëvizjes Vetëvendosje! në Komunën e Prishtinës filloj të lëkundet kjo mendësi politike“, ka thënë deputetja Pacolli, duke shtuar se VV në Prishtinë uA ktheu qytetin qytetarëve të saj.
”Kryetarët e mëparshëm dhe kryetari në ikje inkurajuan dhe promovuan mos angazhimin aktiv të qytetarëve sepse kështu e kishin më të lehtë të plotësonin interesat e tyre dhe të mos realizonin kërkesat dhe nevojat tuaja. Si rezultat i kësaj sot Dardana ka shëndetësi të pa zhvilluar, shkolla me infrastrukturë të shkatërruar dhe mungesë të edukimit cilësor. Mbi 90 perqind të fëmijëve të moshës 9 muaj deri ne 6 vjet nuk kanë mundësi të ndjekin edukimin parashkollor“, ka thënë Pacolli.
Në këtë tubim deputeti Albin Kurti, ka thënë se ky qytet i ka dhënë shumë Kosovës, por pas përfundimit të luftës, ai tha që ky qytet u dënua me moszhvillim dhe copëtim përmes decentalizimit mbi baza etnike. Por, ai tha se Dardanës do t’i kthehet edhe zhvillimi, edhe bashkimi, me zgjedhjen e Qëndron Kastratit në krye të saj.
“Lëvizja Vetëvendosje në ekonomi e do prodhimin, në institucione e do drejtësinë, në shoqëri e do barazinë e në komb e do bashkimin. Ky është orientimi ynë i cili na ka sjellur deri këtu, dhe ky është orientimi ynë me të cilin do të ecim përpara“, ka thënë Kurti në këtë tubim.
Edhe
VV e cilëson të paaftë Kastratin për të udhëhequr me Kamenicën, del nga qeverisja
Kurti ka thënë se qytetarëve të Dardanës iu duhet Lëvizja Vetëvendosje! sepse ata duhet të lëvizin nga gjendja e rëndë aktuale, duke ftuar qytetarët të bëhen bashkë me VV-në sepse vetëm ashtu është e mundshme fitorja.
”Le të mos jetë e ardhmja sikurse e kaluara. Le ta bëjmë ndryshimin që e duam. Le ta përbëjmë ndryshimin që e duam. Le ta bëjmë Qëndronin kryetar“, ishte porosia e Kurtit për qytetarët e Dardanës, të cilëve iu bëri thirrje që të votohet kandidati i VV-së për kryetar të kësaj komune, Qëndron Kastrati.
Kandidati për kryetar të Dardanës, Qëndron Kastrati, e ka filluar djalën e tij në tubimin zgjedhor të VV’së në këtë komunë, duke përmendur zgjedhjet e 11 qershorit, për të cilat tha se kanë treguar se qytetarët e vendit janë mobilizuar kundër të korruptuarve e për një mendësi të re qeverisëse.
“Dardana ishte në mesin e komunave me përkrahjen më të madhe për Vetëvendosje!-n. Ky është treguesi më i saktë që qytetarët e këtij vendi duan t’i ndëshkojnë të korruptuarit, të papunëtorët, e mashtruesit. Qytetarët e këtij vendi e dëshmuan që janë për një mendësi të re qeverisëse. Për njerëz të ndershëm, të dijshëm, që punojnë për qytetarin dhe me qytetarin. Dhe këtë vendim qytetarët e Dardanës do ta përsërisin edhe në këto zgjedhje. Dallimi i vetëm është se këtë herë përkrahja do të jetë edhe më e madhe”, tha në këtë tubim Kastrati, i cili aktualisht është deputet në Kuvendin e Kosovës.
Kastrati tha se për ta ndryshuar Kosovën, duhet ta ndryshojmë Komunën, duke shprehur më pas vendosmërinë e tij dhe të VV-së për të ia kthyer Dardanën qytetarëve. E po ashtu shtoi se për këtë komunë ai ka një program të detajuar zhvillimor, duke u zotuar se me qeverisjen e tij në Dardanë do ta sjellë përvojën nga qeverisja e Prishtinës, si modeli më transparent, më i pastër e më i mirë i udhëheqjes.
Edhe
Vetëvendosje: Dardana vulosi fitoren, Kastrati do të jetë kryetari i saj
“Qeverisja e Lëvizjes Vetëvendosje! do të angazhohet që arsimimi të mos jetë barrë por lehtësi për nxënësit e Dardanës. Ne do të ofrojmë shujta falas për nxënësit e klasave të ulëta, dollap personal për secilin prej tyre, e kontrollë sistematike shëndetësore. Do të garantojmë transparencë në secilin punësim. Me mua si Kryetar deri në përfundim të mandatit do të ketë ujë të pijshëm 24 orë. Ujërat e zeza nuk do të derdhen më në lumenjë dhe mbeturinat do të menaxhohen. Shëndetësia është poashtu një nga prioritetet tona! Përmirësimi i gjendjes në këtë sektor është shumë i mundshëm. Ne do të fillojmë duke furnizuar të gjitha qendrat e mjeksisë familjare me barna esenciale. Do të bëjmë renovimin dhe modernizimin e tyre”, ishin disa nga zotimet e kandidatit për kryetar të Dardanës, Qëndron Kastrati.
Ai premtoi edhe rifunksionalizimin e repartit të gjinekologjisë dhe obstetrisë, transparencë radikale gjatë qeverisjes e veçanërisht në prokurim, rihapjen e kinemasë së qytetit dhe luftë të pakompromisë ndaj nepotizmit. Në fund, ai tha se e vetmja alternativë është Vetëvendosje! dhe numri 10, dhe ftoj dardanasit që ta mbështesin ndryshimin, kurse prezantoi edhe listën me kandidatët për Kuvendin Komunal.
