Kandidati i PDK-së për kryetar të Podujevës, Isak Shabani, ka akuzuar qeverisjet në këtë komunë për politizim të arsimit, duke thënë se kjo gjendje po zgjat prej dekadash.
“Qe 26 vjet ka politizim. Ka mësues që nuk guxojnë as me të përshëndet dhe ikin. Një drejtor i tij (Bulliqit) ma ka thirr vëllaun pse e ke prezantu një program kështu... Kritika ka qenë reale. A ka ma absurditet se me ardh me thënë pse po e bën faktor këtë”, deklaroi Shabani në emisionin “Zgjedhjet në KOHË”.
Ai premtoi se, nëse merr besimin e qytetarëve, do të depolitizojë plotësisht arsimin, duke theksuar se drejtuesit e shkollave do të përzgjidhen mbi bazën e meritës.
“Ai që e meriton, do të jetë drejtor”, u shpreh ai.
Shabani gjithashtu kritikoi gjendjen e shkollave në komunë, duke thënë se nuk plotësohen as kushtet elementare.
“Qysh mundet me fol për mësim gjithëditor, kur në shkolla mungojnë gjërat më elementare. Gjendja higjienike është e tmerrshme”, vijoi Shabani.
Kandidatët për Podujevën shpalosin programin për katër vjetët e ardhshëm
-
VV-ja e PDK-ja arrijnë marrëveshje për qeverisjen në Podujevë, Shabani zgjidhet kryesues
-
Hyseni ia numëron keqpërdorimet, Bulliqi i thotë se është praktikant
-
Rexhaj: Premtimet në arsim sipërfaqësore, vërehet se s’e kanë përnjëmend
-
Hamza: Mësuesit meritojnë paga më të larta, dinjitet dhe vlerësim të merituar
-
Komuna e Podujevës synon të funksionalizojë trafikun urban, të premtuar më 2021