Prokuroria Themelore në Pejë, ka kërkuar paraburgim ndaj dy personave të arrestuar të dielën në kuadër të procesit zgjedhor.
Sipas Prokurorisë, të dyshuarit dyshohet se kanë kryer veprën penale “Marrja ose dhënia e ryshfetit lidhur me votimin”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBazuar në dyshimet fillestare, veprat e dyshuara janë kryer në fshatin Gorazhdevc të komunës së Pejës, pas së cilës të dyshuarit janë arrestuar nga Policia e Kosovës.
Prokuroria ka bërë të ditur se, në koordinim me organet kompetente të zbatimit të ligjit, do të vazhdojë ndërmarrjen e të gjitha veprimeve të nevojshme hetimore me qëllim të ndriçimit të plotë të rastit dhe sigurimit të provave relevante.
Në njoftim thuhet se institucioni mbetet i përkushtuar në mbrojtjen e integritetit të procesit zgjedhor, ruajtjen e votës së lirë të qytetarëve dhe zbatimin e ligjit ndaj kujtdo që cenon proceset demokratike në juridiksionin e saj.
Për kërkesën e Prokurorisë për paraburgim pritet të vendosë gjykata kompetente.