Kandidati për kryeministër nga Aleanca, Ardian Gjini, ka premtuar se Anamoravës do t’ia kthejnë projektet e mëdha.
Në një video të postuar në rrjetin social Facebook, pas tubimit të mbajtur të hënën në Gjilan, Gjini ka folur për prioritetet e Anamoravës dhe projektet infrastrukturore të mbetura pezull.
Ai ka theksuar se Anamorava ka qenë gjithmonë prioritet i qeverisjes së Aleancës, duke kujtuar nisjen e Autostradës së Gjilanit si një ndër projektet e para të qeverisjes së atëhershme.
“Anamorava ka qenë gjithmonë prioritet i Qeverisjes së Aleancës, gjë që e dëshmuam me nisjen e Autostradës së Gjilanit si një nga projektet tona të para. Fatkeqësisht, kjo qeverisje nuk e ka prioritizuar asnjëherë këtë projekt”, ka thënë Gjini.
Ai ka kritikuar gjendjen aktuale të projektit, duke shtuar se qytetarët e Anamoravës e njohin më së miri realitetin në terren.
Sipas Gjinit, me planin konkret të Aleancës, Gjilanit dhe gjithë Anamoravës do t’u rikthehen projektet e mëdha zhvillimore.
Edhe
Gjini: Rezultati për Aleancën, nisje e jashtëzakonshme
“Gjilanit dhe Anamoravës, me planin tonë konkret, do t’ia kthejmë projektet e mëdha”, është shprehur Gjilan.
Gjini po ashtu ka thënë se “çdo faturë e shtrenjtë e rrymës dhe çdo rrugë e mbetur në gjysmë janë taksë e fshehur që e paguajnë familjet tona”.
“Aleanca vjen me një plan të pastër pune për të garantuar pavarësinë tonë energjetike”, ka deklaruar ai.
