Në zgjedhjet e parakohshme të 6 tetorit nuk do të ketë më deputetë me fat, të cilët do të fitojnë vota falë përputhjes së numrit të tyre me atë të partisë.
Komisioni Qendror i Zgjedhjeve ka vendosur që numrat e partive politike pjesëmarrëse në zgjedhje, të jenë nga 111 e lart.
Kjo, në mënyrë, që numri i subjektit politik të mos korrespondojë me numrin e kandidatëve për deputetë, raporton KTV.
Ky propozim mori përkrahjen e të gjithë anëtarëve të KQZ-së, të cilët thanë se në zgjedhjet e kaluara disa deputetë kanë fituar shumë vota, pasi kishin numrin e njëjtë në listë me atë të partisë.
Aty u bë e ditur, gjithashtu, se KQZ-ja ka pranuar 42 mijë aplikacione të qytetarëve nga diaspora, për të votuar në zgjedhjet e 6 tetorit.
Kryeshefi ekzekutiv i Sekretariatit të KQZ-së, Enis Halimi, ka thënë se numri i saktë i këtyre personave të regjistruar, që do të kenë të drejtë vote, do të dihet pas shqyrtimit të aplikacioneve.
Edhe
S’ka më deputetë me fat, 40 mijë aplikacione nga diaspora për zgjedhjet e 6 tetorit
Halimit iu kërkua që deri të martën, Zyra e tij të bëjë gati raportin me shifra të sakta të aplikacioneve që janë pranuar dhe refuzuar.
KQZ-ja ka de-certifikuar edhe 4 kandidatë për deputetë, 3 të Partisë “Euroatlantike” dhe një të Partisë “Fjala”, të cilët vendimin për tërheqje nga lista e kanë arsyetuar se nuk janë menduar mirë kur janë futur në listë.
Ndërsa, në adresë të Zyrës për regjistrim të partive, u bë e ditur se për akreditim kanë aplikuar rreth 900 vëzhgues.
