Kreu i AAK-së, Ramush Haradinaj, ka thënë se 100 herë po të thirrej nga Haga, 100 herë do të jepte dorëheqje nga pozita e Kryeministrit.
Siç citon AAK-ja në një komunikatë për media, Haradinaj ka thënë se kjo nuk është humbje, por fitore për Kosovën, ngase kjo tregon se kryeministri nuk nënshtrohet ndaj kërkesave të jashtme.
“Nëse ndodh që tentojnë me disiplinu një kryeministër, dhe ai jep dorëheqje, kjo nuk është humbje për Kosovën. Humbje për Kosovën është me u nënshtru”, ka thënë Haradinaj.
Haradinaj ka thënë se kështu do të duhej të vepronin të gjithë liderët.
