Vështrime

Fytyrat e UÇK-së

Koncepti i fytyrës

Fytyra është pjesa e trupit që e identifikon njeriun. Është e para që futet në lojë kur kontaktojmë me të tjerët, ajo që vihet në pasaportë, në rrjetet sociale etj. Megjithatë, fytyra është pjesa e trupit që njeriu nuk mund ta shohë kurrë me sytë e vet, ka gjithmonë nevojë për një pasqyrë. Edhe sërish pasqyra nuk na e jep imazhin tonë të vërtetë, varet nga drita, pozicioni etj. Ne jetojmë tërë jetën me iluzionin e fytyrës sonë me të cilën kemi një raport shumë intim e të rëndësishëm.