Deputeti nga radhët e Lëvizjes Vetëvendosje, Arbër Rexhaj, të martën në emisionin “Tempus” ka thënë se me marrëveshjet për kishat dhe manastiret që kanë status special, u është falur një trashëgimi ortodokse shqiptare serbëve, që padrejtësisht quhet e tyre dhe për këtë nuk kanë legjitimitet.
“Kanë nënshkruar marrëveshje për këtë gjë, ne ia kemi falur një trashëgimi ortodokse shqiptare serbëve, e cila padrejtësisht quhet e tyre”, tha Rexhaj.
Ai ka thënë se Asociacioni kishte kaluar në Kuvend me 82 vota dhe pas presionit të VV-së, presidentja e kishte dërguar në Kushtetuese.
“Asociacioni ka kaluar në Kuvendin e Kosovës me 82 vota, dhe pas presionit të madh të VV-së në atë kohë, presidentja e vendit e ka dërguar këtë marrëveshje në Gjykatën Kushtetuese, mirëpo nuk është e vdekur si ide, vetëm rrëzohet si e paligjshme. Në një takim me Lajçakun, kryeministri Kurti tha që Gjykata Kushtetuese e Kosovës e ka rrëzuar Asociacionin plotësisht, pra nuk është i vlefshëm, ndërsa ai i tha jo kjo nuk është e vërtetë”, tha Rexhaj.
Rexhaj ka thënë se qeveria ka presion për arritjen e marrëveshjes, nga partitë politike opozitare, shoqëria civile dhe aleatët ndërkombëtarë, ndërsa tha se nuk do të bëjnë marrëveshje me koncensione të cilat e dëmtojnë sovranitetin dhe ndoshta në të ardhmen edhe territorin e vendit.
-
Heqja e vizave për serbët me pasaporta ilegale – VV-ja fajëson BE-në e AAK-ja e quan vendim të keq
-
Deputeti i VV-së: E pamundur të dërgohej drafti i Lajçakut në Kushtetuese, ka shumë probleme
-
VV-ja pret propozime konkrete për presidentin nga opozita teksa afati po shkon drejt fundit
-
Hoxhaj: Nuk e kemi ndërmend që t'i nënshtrohemi vullnetit të askujt
-
Rexha: Pika 7 e marrëveshjes së Ohrit është shtet brenda shtetit, si Vatikani